ஜம்மு காஷ்மீர்; இராணுவ வீரர்கள் மீது நாட்டு வெடிகுண்டு தாக்குதல்?

ஜம்மு காஷ்மீரில் நிகழ்த்தப்பட்டது நாட்டு வெடிகுண்டு தாக்குதலா அல்லது ஐஇடி வெடிப்பொருள் தாக்குதலா என்ற கோணத்தில் காவலர்கள் வழக்குப்பதிவு செய்து தீவிர விசாரணை நடத்திவருகின்றனர்.

சோபியான்: ஜம்மு காஷ்மீர் யூனியன் சோபியானில் சென்ற செவ்வாய்க்கிழமை (மே31) நிகழ்ந்த குண்டுவெடிப்பு தாக்குதலில் காவலர்கள் 3 பேர் படுகாயமுற்றனர். அவர்களுக்கு மருத்துவமனையில் தீவிர சிகிச்சை அளிக்கப்பட்டுவருகிறது.

சோபியான் மாவட்டத்தில் உள்ள சீடோ பகுதிக்கு பாதுகாப்பு வீரர்கள் தனியார் வாகனத்தில் சென்றுகொண்டிருந்தனர். அப்போது நிகழ்ந்த குண்டுவெடிப்பு தாக்குதலில் பாதுகாப்பு வீரர்கள் மூவரும் படுகாயம் அடைந்தனர்.

இவர்களுக்கு உயிருக்கு ஆபத்தான நிலையில் சிகிச்சை அளிக்கப்பட்டுவருகிறது. இந்த நிலையில், இது தொடர்பாக விசாரணைக்கு உத்தரவிட்டுள்ளதாக காஷ்மீர் ஐஜிபி இன்று (ஜூன்2) தெரிவித்தார்.